Монголчууд аа, Хятад бараанаас татгалз!!!
Цар тахалд нэрвэгдэж хяналтаа алдсан Хятадууд энэ сарын 08-ны өдөр хилээ нээхээр болсон. Хил нээхтэй холбогдуулан Эрээний наймаачид аль хэдийнээ Монголчуудыг хүлээж авах бэлтгэлээ базааж 2 жил гаруй хугацаанд хав дарсан бараагаа цэгцлээд эхэлж. Учир нь Монголчуудын буянаар өнөөдрийн Эрээн хот сүндэрлэн босч наймаачид нь хөлжиж амьдрал ахуй нь дээшилсэн нь нууц биш. Тиймдээ ч тэд Монголчуудын ирэхийг тэсэн ядан хүлээж тэнгэрт тулсан үнээр бараагаа шахахаар сууж буй гэсэн үг. Тухайлбал 470 төгрөг хүрч байсан юань огцом нэмэгдэж 507 төгрөг болтлоо өссөн.
Товчхондоо 2 жил гаруйн хугацаанд ажин түжин байсан манай наймаачид ч хөлд орж Эрээнийг зүглэхээр бэлдэж байна. Хэдийгээр наймаачид урд хөршийг зорьж бараа таваар авчирсан ч Монголд худалдан авалт муу байх нь дамжиггүй. Өөрөөр хэлбэл Монголчууд бүтэн 2 жил гаруй хугацаанд урд хөршөөс хамааралгүй амьдарч болдог гэдгийг мэдэрсэн. Тиймээс 1 сар гаруй хугацааны дараа цагаан сарын баяр болох ч үндэсний үйлдвэрлэлээ дэмжинэ гэх нийгмийн хандлага буйг наймаачид маань ойлгох хэрэгтэй.
Тэгээд ч 2 жил хав дарсан бараа өнөөдөр моодноос хол хоцорсон бөгөөд Турк, Вьетнам бараа Хятадын бараанаас хавь илүү чанартайг ч мэдэрчхээд байгаа.
Гэсэн худий ч уламжлалт сар шинийн баяраа тэмдэглэх гэж гадаадын элдэв эрээн мяраан бараа авч тэднийг тэжээж байхаар үндэсний үйлдвэрлэлээ дэмжицгээе, бүгдээрээ.
https://erennews.mn/article/58579
Санал болгох
Сэтгэгдэл бичих
Сэтгэгдэл бичих
