Мүн Жэ Ин болон Шинзо Абэ нар хоёр талын уулзалт хийнэ

БНСУ болон Японы талын дээд хэмжээний уулзалт нь Мүн Жэ Иний АНУ-ын Ерөнхийлөгч Дональд Трамптай хийх уулзалтаас нэг хоногийн дараа болох ажээ. БНСУ-ын Ерөнхийлөгч НҮБ-ын Ерөнхий Ассамблейн хуралдаанд оролцохоор Нью-Йорк хотноо ням гарагт хүрэлцэн очсон юм.

"БНСУ-ын төрийн тэргүүн Япон болон АНУ-ын удирдагчидтай уулзах үеэрээ саяхан Пхеньян хотноо болж өнгөрсөн дээд хэмжээний уулзалтын талаар мэдээлэл өгч, БНАСАУ-ыг зэвсгээс ангижруулах явцыг түргэсгэх арга замын талаар хэлэлцэнэ” гэж Хөх ордны мэдээлэлд тэмдэглэсэн байна.