ЭЕШ-ын бүртгэл орон даяар эхэллээ
ЭЕШ-ын бүртгэл өчигдөрөөс онлайнаар орон даяар эхэлж байгаа талаар БҮТ (Боловсролын үнэлгээний төв) болон БСШУЯ-наас өнөөдөр мэдээлэл хийлээ.
Энэ жил ЕБС-ийг 36,207 сурагч төгсөх бөгөөд өнгөрсөн жилийн төгсөгч нартай нийлээд ойролцоогоор 40 мянга орчим сурагч ЭЕШ-ыг өгөх юм байна.
Бүртгэлийн хугацаа: Энэ сарын 15-ны өглөө 09:00 цагт эхэлж, дөрөвдүгээр сарын 25-ны орой 18:00 цагт дуусна.
Энэ жилийн шалгалтын онцлог:
Шалгалтад бүртгүүлэх цахим хуудас: http://eyesh.eec.mn/reg
Шалгалтын хураамж: Шалгалт бүрд 5,800 төгрөг, батламж хуудас 700 төгрөг (хэдэн ч шалгалт өгсөн нэг батламж хуудастай байна)
Жич: Бүртгэлийн хугацаанд багтааж бүртгүүлэхийг БСШУЯ болон БҮТ-өөс (Боловсролын үнэлгээний төв) анхааруулж байна. Хугацаа, цагийг сунгахгүй бөгөөд нэмэлт бүртгэл хийхгүй. Бүртгүүлэхэд автоматаар Монгол хэл бичгийн шалгалтад бүртгэгдэх болно.
БСШУЯ-наас энэ сардаа багтаагаад нийслэлийн бүх ЕБС-иуд, зарим аймгийн ЕБС-ийн төгсөх ангийн сурагчидтай уулзаж заавар зөвлөмж өгөх ажлыг зохион байгуулна.
Түүнчлэн шалгалт өгөх ЭЕШ-ын байр, анги танхим, суудлын хуваарийг баталгаажуулсан хуудас зэргийг өөрийн бүртгэлийн дугаар болон нууц үгийг ашиглан 2016 оны 05 сарын 15-аас хойш www.eec.mn сайтаас хэвлэн авна.
Санал болгох
Сэтгэгдэл бичих
Сэтгэгдэл бичих
