"Д-н хүүхэдтэй цэцэрлэгт явсан хүүхдүүдийг гэр бүлийнхэнтэй нь одоо шинжилгээнд хамруулж байгаа"

УОК-ын дарга, Шадар сайд Я.Содбаатар цаг үеийн асуудлаар мэдээлэл хийж байна. Энэ үеэр Дарь-Эх, Бэлх орчмоос хүмүүсийг авч явж байна, энэ талаар мэдээлэл байна уу гэсэн сэтгүүлчийн асуултад Шадар сайд хариулахдаа "Анхны тохиолдол болох жолооч Д-н хүүхдийн явдаг цэцэрлэгт ойр хавийн 23 айлын 27 хүүхэд хамт явсан байгаа юм. Тэр айлуудад хавьтлын зэрэг тогтоогоод өчигдөр тусгаарлах чиглэлийг өгсөн байсан. Харин өнөөдөр тэр хүмүүсийг одоо Цэргийн төв эмнэлэгт татаж, шинжилгээнд хамруулж байгаа" гэлээ.