Амбаар шатаж, хүн нас баржээ

Энэ харамсалтай хэрэг Орхон аймгийн Баян-Өндөр сумын Эрдэнэ багийн 3Б дугаар гудамжинд болжээ. Байшин шатаж байна гэсэн дуудлагыг өчигдөр орой 23:09 цагт хүлээн авсан тус аймгийн Онцгой байдлын газрын Гал түймэр унтраах, аврах 68 дугаар ангийн алба хаагчид 5 км замыг туулан, 23:18 цаг очиж, иргэн Д-ын 2×2 метрийн хэмжээтэй модон амбаар шатаж байсныг 35 минут ажиллаж унтраажээ.

Уг гал түймэрт Орхон аймгийн Баян-Өндөр сумын харьяат 58 настай иргэн М /эрэгтэй/ өртөж нас барсан бөгөөд цогцсыг аймгийн Цагдаагийн газрын мөрдөн байцаах тасгийн мөрдөгч, цагдаагийн дэслэгч Б.Солонгод шилжүүлж өгсөн байна.

Иймд иргэд болзошгүй гал түймрийн аюулаас байнга сэргийлэхийг сануулж байна.