"УИХ-ын гишүүн Ж.Чинбүрэнд н.Мөнхбат гэх туслах байхгүй"

ХӨСҮТ-ийн дарга Н.Эрдэнэхүү ковидын халдвар авсан үедээ хуурамч бичиг баримт бүрдүүлэн УИХ-ын гишүүн Ж.Чинбүрэнгийн туслах ХӨСҮТ-ийн Элэг шилжүүлэн суулгах албаны дарга, гишүүний найз н.Мөнхбаттай хамт Турк улсыг зорьсон гэх мэдээлэл зарим хэвлэл мэдээллийн хэрэгслээр явсан. 
Тодруулбал, Asu.mn сайтад ХӨСҮТ-ийн дарга Н.Эрдэнэхүү ковидын халдвар авсан үедээ эмнэлэгийн ажилчид болон удирдлагуудад тараагаад зогсохгүй арваннэгдүгээр сарын 20-ны өдөр Турк улс руу явсан. Тэр ч бүү хэл тэрээр тус аялалдаа Ж.Чинбүрэнгийн туслах н.Мөнхбаттай хамт явсан хэмээжээ. Харин уг асуудалд УИХ-ын гишүүн Ж.Чинбүрэнгийн зөвлөх Б.Дэмбэрэл өөрийн цахим хариу мэдэгдэл хийсэн байна. Тэрээр "УИХ-ын гишүүн Ж.Чинбүрэнд н.Мөнхбат гэж туслах байхгүй болохыг эх сурвалжын ажлын албанаас хариуцлагатайгаар мэдэгдэе" гэлээ.