Иргэнээс ирсэн гомдол мэдээллийн дагуу шалгалт хийжээ

Налайх дүүргийн 1-р хорооны 27, 28 дугаар гудамжны орчмоос эвгүй, өмхий үнэр гараад байна гэсэн иргэдийн гомдлыг тусгасан тус хорооны засаг даргын 153 дугаартай албан бичгийн дагуу мэргэжлийн хяналтын байгууллагаас хяналт шалгалт хийжээ. Шалгалтаар чингэлэг болон хашаанд ихээхэн хэмжээний давсалсан, муудаж үнэр орсон бог малын гүзээ байсныг хогийн цэг рүү ачуулж, чингэлэг, хашаанд хлорын шохойн уусмалаар ариутгал, халдваргүйтгэл хийлгүүлсэн байна. 
Харин зөрчил гаргасан иргэнд Зөрчлийн тухай хуулийн холбогдох заалтаар арга хэмжээ авчээ.