Хамгаалалын бүсээ зүүхийг анхааруулж байна
"Автотээврийн Үндэсний төв” ТӨҮГ болон "Замын цагдаагийн алба”-ны Орон нутгийн хяналтын хэлтэстэй хамтран Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадам болж байгаатай холбогдуулан Улс, хот хоорондын нийтийн тээврийн үйлчилгэээний хөдөлгөөний аюулгүй байдлыг хангах, хяналт шалгалтыг сайжруулах талаар 21 аймгийн Автотээврийн төв, Замын цагдаагийн тасгийн дарга нарт үүрэг чиглэл өгсөн онлайн хурлыг зохион байгууллаа.
Мөн Үндэсний их баяр наадмын өдрүүдэд Хот хоорондын нийтийн тээврийн үйлчилгээнд нэмэгдлээр 250 тээврийн хэрэгслийг тээвэрлэлтэд гарган иргэдэд хөнгөн шуурхай, найдвартай, баталгаатай тээврийн хэрэгслээр үйлчлэхээр бэлтгэл ажлыг хангаж байна.
Хот хоорондын нийтийн тээврийн үйлчилгээгээр үйлчлүүлэхдээ тээвэрлэлт эхлэхээс 30 минутын өмнө ирж суудлаа эзлэн хөдөлгөөний аюулгүй байдлыг ханган хамгаалалтын бүсээ зүүхийг "Автотээврийн үндэсний төв” ТӨҮГ-аас иргэдэд анхааруулж байна.
ДАРААХ ЦАГИЙН ХУВААРИЙН ДАГУУ АЖИЛЛАНА
Автотээврийн үндэсний төвийн Баянгол, Баянзүрх, Сонгинохайрхан техникийн хяналтын үзлэгийн төвүүдийн олон жилийн дадлага туршлагатай мэргэшсэн инженер, техникийн ажилтнуудаас бүрдсэн мэргэжлийн хамт олон дараах цагийн хуваарийн дагуу танд үйлчилж төмөр хүлгийн тань талаар зөвлөгөө, мэдээлэл өгөн ажиллана. Үүнд:
- 2017 оны 07 дугаар сарын 09-ны өдрийг дуустал ажлын өдрүүдэд 08:30 – 20:00, амралтын өдрүүдэд 09:00 – 18:00 цагийн хооронд уртасгасан цагийн хуваариар ажиллана.
- 2017 оны 7-р сарын 08, 09-ны өдрүүдэд "Да Хүрээ Трейд” техникийн худалдааны төв, "Хөсөг Трейд”, Сонгинохайрхан техникийн хяналтын үзлэгийн төв дэх тээврийн хэрэгслийн бүртгэлийн хэлтэс 09:00 – 18:00 хүртэл цагийн хуваарийн дагуу ажиллана.
- 2017 оны 7-р сарын 17-ны өдрөөс эхлэн цагийн хуваарийн дагуу буюу ажлын өдрүүдэд 08:30 – 20:00 цагийн хооронд, амралтын өдрүүдэд 09:00 – 18:00 цагийн хооронд ажиллана.
Санал болгох
Сэтгэгдэл бичих
Сэтгэгдэл бичих
