Манай ширэн бээлийтнүүд бэлтгэлийн бааздаа очлоо
Хүн төрөлхтний эв нэгдлийн их наадам болсон Олимпийн наадамд Монгол Улсаа төлөөлөн оролцох баг тамирчдын түрүү болон боксын төрөлд оролцож буй тамирчид "Чингис хаан” олон улсын нисэх онгоцны буудлаас Бразилыг зорьсон. Тэгвэл өчигдөр манай ширэн бээлийтнүүд Бразил дахь бэлтгэлийн бааздаа очсон байна. Манай улсаас энэ төрөлд зургаан тамирчин эрх аван өрсөлдөх гэж буй. Г.Ган-Эрдэнэ /49 кг/, Х.Энх-Амар /52 кг/, Э.Цэндбаатар /56 кг/, Д.Отгондалай /60 кг/, Б.Чинзориг /64 кг/, Б.Түвшинбат /69 кг/ тус тус хүч үзнэ. Монголын боксын шигшээ багийн дасгалжуулагчаар нь Д.Батсүрэн ажиллаж байгаа юм.
Д.Бат
Санал болгох
Сэтгэгдэл бичих
Сэтгэгдэл бичих
