Сонгууль 2016: МАН ялалт байгуулж, засгийг төлөөлөхөөр боллоо

УИХ-ын сонгууль болон аймаг, нийслэл ИТХ-ын сонгуулийн санал хураалт өнөөдөр болж өндөрлөлөө.

Сонгуулийн тухай хуульд заасан дагуу санал хураалтын ажиллагаа хэсгийн хороодууд дээр өглөөний 07цагаас эхэлж оройн 22.00 цагт санал хураалтыг хаасан юм.

Дөнгөж сая СЕХ-ны дарга Ц.Содномцэрэн сонгуулийн дүнг албан ёсоор танилцуулж, мэдээлэл хийлээ. Тэрбээр энэ удаагийн сонгуулийн ирц өмнөх жилүүдийнхээс харьцангүй өссөн үзүүлэлттэй явагдсан бөгөөд орон нутгийн ирц  70 гаруй хувь, нийслэлийнх  68 хувьтай гарчээ.  

Харин УИХ-ын 2016 оны сонгуульд урьдчилсан байдлаар МАН нам олонхи болж ялалт байгуулаад байна. Харин АН 10 хүрэхгүй суудалтайгаар энэ сонгуулиар ялагдаж байна. Мөн бие даан нэр дэвшигчдээс ганц бие даагч ялалт байгуулсан нь УИХ-ын сонгуулийн 54 дүгээр тойрогт нэр дэвшсэн Самандын Жавхлан бусдаасаа харьцангуй өндөр санал авч ялалт байгууллаа.  

Энэ удаагийн сонгуулиар нийт 2450 санал авах машиныг ажиллуулсан гэдгийг  СЕХ-оос мэдэгдлээ.

У.Сайхан