Халуун усны хоолой задарч 5 хүн түлэгджээ

Нийслэлийн Хан-Уул дүүргийн 4 дүгээр хорооны “Задгай”, Ханбогд хорооллын хашааны гадна 5 хүн дулааны шугамын худагт засварын ажил хийж байжээ. Засварын явцад халуун ус дамжуулдаг төмөр хоолой задарч халуун ус асгарсны улмаас 4 хүн хүндэвтэр, 1 хүн хөнгөн түлэгдсэн байна.

Онцгойгийн алба хаагчдыг очиход хүндэвтэр түлэгдсэн 4 хүнийг НЯТТТ авч явсан байсан бөгөөд Сонгинохайрхан дүүргийн 42 дугаар хорооны харьяат 38 настай залуу Н нь хөнгөн түлэгдсэн байсныг ГССҮТ-д хүргэж өгсөн байна.

Онцгой байдлын газарт өчигдөр /2022.10.25/ 20:13 цагт энэ тухай дуудлага иржээ.