"Синофарм" үйлдвэрийн вакциныг ямар тохиолдолд 3-р тунг хийх вэ?

 

“Washington Post” сонинд мэдээлснээр, БНХАУ-ын эрдэмтэд Синофарм үйлдвэрийн коронавирусийн эсрэг вакцины гурав дахь тунг хийж эхлэх нь зүйтэй эсэх талаар ярьж эхэлжээ.

Учир нь тус вакцины дархлаа тогтоох хугацаа зургаан сар юм. Иймд архаг хууч өвчтэй, коронавирус тусвал амь нас нь эрсдэлд орж мэдэх бүлгийн хүмүүсийг гурав дахь тунгаа хийлгэхийг зөвлөсөн байна.

Өнгөрөгч долоо хоногт Арабын нэгдсэн Эмират улсад ч мөн Синофарм үйлдвэрийн вакцины бүтэн тунгаа хийлгэсэн хүмүүст гурав дахь тунгаа хийлгэхийг зөвлөжээ. Гэхдээ тус улсын нэрт эрдэмтэн Савсан Хумайда хэвлэлд өгсөн ярилцлагадаа “Хүн бүрд гурав дахь тунгаа хийлгэ гэж зөвлөхгүй. Эсрэг биетийн шинжилгээ өгөх хэрэгтэй. Энэ шинжилгээгээр дархлаа муу тогтсон гэж гарвал гурав дахь тунд орох нь зүйтэй” гэж ярьсан байна.