Г.Занданшатар: Зөвлөлдөх уулзалтаар иргэд та бүхэн засаглах эрхээ эдлэх болно

 

 

УИХ-ын дарга Г.Занданшатар тус арга хэмжээг нээж хэлсэн үгэндээ “УИХ Зөвлөлдөх санал асуулгын тухай хуулийг 2017 онд баталсан. Энэ хуулийн дагуу Зөвлөлдөх санал асуулгын нэг дэх шатны санал асуулгыг Монгол орон даяар математик-статистикийн санамсаргүй түүврийн аргаар сонгогдсон 1570 иргэнээс авсан билээ. Өнөөдөр энэ танхимд эхний шатанд оролцсон 1570 иргэнээс тухайн түүврийн аргаар сонгогдсон 800 гаруй иргэн хуран цуглараад байна. Та бүхэн нийгмийн бүхий л давхарга, мэргэжил, сонирхлын бүлэг, нас, хүйсийг төлөөлж байна. Өөрөөр хэлбэл, Монголын ард түмэн хэмээх Их олонлогоос сонгогдсон Бага олонлог нь та нар юм. Монгол Улсын Үндсэн хуулийн гуравдугаар зүйлийн 1 дэх хэсэгт “Монгол Улсад засгийн бүх эрх ард түмний мэдэлд байна” гэж заасан байдаг. Хоёр өдрийн турш үргэлжлэх Зөвлөлдөх уулзалтаар иргэд та бүхэн энэхүү засаглах эрхээ эдлэх болно.

Бид монгол хүмүүс. Монголынхоо төлөө цохилох зүрх хүн бүрд бий. Тиймээс Монголоо гэсэн сэтгэлээр, Монголын төлөө гэсэн итгэлээр асуудалд хандаж, зөв мэргэн шийдвэр гаргаж чадна гэдэгт итгэж байна. Чадах ч ёстой. Сөргөлдөж, тэмцэлдэх биш, эвийг хичээж, зөвийг цогцлоохын төлөө хамтран зүтгэцгээе” хэмээн онцлов. 

 

 

•иргэний болон улс төрийн эрх, хариуцлага;

 

•парламентын ардчилал;

 

•эдийн засаг, баялгийн сан, төвлөрлийг сааруулах;

 

•нийгмийн тулгамдсан асуудлууд гэсэн дөрвөн багц сэдвийн хүрээнд иргэдтэй зөвлөлдөж, санал бодлоо тусгаж зөвлөмж гаргах юм.